Unha cabicha recollida a un tío dunha demandante coruñesa ha servido para recoñecer a paternidade desta, dun home que tivo unha relación coa súa nai, o que lle dá unha millonaria herdanza.
A proba de ADN, que o Tribunal Supremo aproba como legal, realizada entre a demandante e o que resultou ser un dos seus tíos, deu un resultado positivo do 99 por cento de probabilidades de que sexa filla dun irmán deste home.
O ADN obtívose a través dun detective, empregando todos os medios legais, pois conseguiu unha cabicha do suposto tío biolóxico, segundo explica o bufete Osuna avogados, que levou o caso, a través dun comunicado.
O empresario tivo a esta filla cando era solteiro xunto a unha muller, tamén solteira, coa que tivo unha relación de noivado que durou varios anos, pois empezou no 1968 e terminou en 1975.
Non chegaron a casar, pero ela quedouse embarazada cando tiña vinte e dous anos, segundo relata o despacho de avogados a través dunha nota de prensa.
Ambos procedían dunha familia modesta e de economía débil, e "aínda que o descrito resulta un feito notorio e público, coñecido pola maioría dos veciños, a filla sempre obtivo negativa cando quixo ser recoñecida como tal".
A cabicha que valeu unha herdanza
Os restos dun cigarro de quen resultou ser o seu tío foi a chave para que unha coruñesa puidese demostrar o seu parentesco cun adiñeirado empresario
