A Deputación de Pontevedra activou un novo plan de emprego dotado con 3,2 millóns de euros para que os concellos da provincia contraten a 800 persoas, preferiblemente desempregados sen prestacións ou con prestacións sociais de subsistencia.
Os municipios -todos menos Vigo e Pontevedra- poderán contratar a entre seis e 20 traballadores en función da súa poboación, que servirán de reforzo para dar cobertura a servizos básicos.
Os contratos serán de 25 horas semanais durante seis meses, e os concellos interesados deberán formalizar as súas peticións antes do catro de xuño.
Os contratos son da categoría de operarios, pero os Concellos poderán pedir un perfil máis especializado se abonan a diferenza salarial.
