O dono dun boleto de Primitiva validado en Arzúa percibirá máis de 14,6 millóns de euros ao ser o único acertante de categoría especial no sorteo celebrado este xoves, segundo informou Loterías e Apostas do Estado.
O boleto gañador foi validado na Administración de Loterías na Administración de Loterías número 1 desta localidade coruñesa, situada no número 10 da Rúa Santiago, na xeneral que une Guntín coa capital galega.
Como único acertante de categoría especial –seis acertos e o reintegro e o premio acumulado de primeira categoría–, o seu propietario percibirá 14.649.902,99 euros. No sorteo deste xoves ademais houbo outros sete acertantes de segunda categoría –cinco números e o complementario–, que cobrarán 36.779,48 euros cada un.
A combinación gañadora deste xoves estivo formada polos números 9, 15, 18, 42, 43 e 49. O número complementario foi o 41 e o reintegro, o 6. O Joker foi o número 6654706 e a recadación do sorteo ascendeu a 13.695.100 euros.
OURENSE. Por outra banda, un acertante de máxima categoría de Ourense obtivo 533.811 euros no sorteo e escrutinio da Bonoloto correspondente a este xoves.
A Primitiva deixa 14,6 millóns en Arzúa
O afortunado, único acertante da categoría especial, selou o seu millonario boleto na Administración número 1 da localidade coruñesa
