As vítimas do Alvia responden ao maquinista: ''Diga todo o que saiba''

Vítimas do accidente ferroviario do 24 de xullo de 2013 en Santiago, no que morreron 79 persoas, responderon á carta de perdón enviada polo maquinista cando se cumpriu un ano da traxedia e dixéronlle que "pedir perdón hónralle", aínda que é un tema moi persoal de cada familiar.

"Si que pode facer algo por nós. Diga todo o que saiba", pediu a Plataforma Vítimas Alvia 04115 nunha misiva na que reiteraron a súa necesidade de saber "toda a verdade" para depurar responsabilidades. A asociación demandou ao maquinista que poña "todos os medios, todo o seu esforzo e toda a súa valentía e honestidade" para saber a verdade e poder, así, facer xustiza.

"Diga quen é o responsable de seguridade", demandaron as vítimas, recordándolle ao maquinista, José Garzón Amo, que nada máis ocorrer o accidente, na súa conversación coa central, lamentaba que as súas demandas non fosen atendidas a tempo, xa que xa advertira que esa era unha curva perigosa e que o que sucedeu podía pasar.

Así, informaron que outros maquinistas se puxeron en contacto coas vítimas e contáronlles que estas queixas "non se atenden" e quedan nun caixón. "Teña o firme convencemento que o único que pode facer para paliar no posible esta tremenda dor e sufrimento, é que loite e que nos axude a esclarecer a verdade. Só así mitigará a súa angustia e terá o noso recoñecemento", insístenlle.

A misiva conclúe que as vítimas están convencidas que "vostede non é o único responsable" e solicítanlle "a súa absoluta colaboración".

Comentarios