O Xulgado de Instrución número 3 de Cangas deixou en liberdade a Olegario Giménez, o patriarca do clan dos Morones, que ata a data estaba en situación de arresto domiciliario, aínda que se mantén a súa condición de investigado no marco da operación Vida, informaron a Efe fontes xudiciais.
Catro fillos do patriarca, Sinaí, Saúl, Mariño e Juan Paulo, permanecen en prisión por supostas extorsións a vendedores ambulantes e outros delitos, como organización criminal, contra a Seguridade Social, tráfico de drogas, tenencia ilícita de armas e branqueo de capitais.
As fontes xudiciais consultadas precisan que o xulgado de Cangas deixou en liberdade a Olegario Giménez polo seu estado de saúde, porque xa finalizaron as declaracións das testemuñas protexidas e porque se entende que a súa participación nos feitos investigados é menor.
Liberdade para o patriarca do clan dos Morones, que segue investigado
Os catro fillos de Olegario Giménez permanecen en prisión acusados de supostas extorsións a vendedores ambulantes e outros delitos
