O presidente da Confederación de Empresarios de Hostalería de Galicia (Cehosga), Héctor Cañete del Campo, reclamou hoxe que se legalicen os furanchos, tabernas populares que venden alcol e produtos de fabricación artesanal.
Nun comunicado, o Cehosga reivindica a actividade da hostalería regulada fronte aos denominados furanchos, negocios que se atopan " marxe da lexislación vixente en materia laboral, fiscal ou sanitaria".
"Os hostaleiros non nos opomos á venda do excedente de viño nos furanchos, pero si esiximos que deixen de operar como restaurantes clandestinos e ilegais", sinala a patronal do sector.
O presidente dos hostaleiros galegos invita a ''legalizar'' eses establecementos e lamenta a actitude de certos concellos que apoian este tipo de negocio.
"Parece incrible que haxa alcaldes que defendan estas actividades, no canto de apostar polo sector hostaleiro e turístico de calidade', afirma Cañete del Campo.
