miércoles. 23.09.2020 |
El tiempo
miércoles. 23.09.2020
El tiempo

O mal tempo complica a procura dun octoxenario en San Sadurniño

Cartel de procura de Ramiro Vega. TWITTER
Cartel de procura de Ramiro Vega. TWITTER

O home atópase en paradoiro descoñecido desde o mediodía do domingo, cando a familia denunciou a desaparición 

Cartel de procura de Ramiro Veiga. TWITTERA existencia de néboa ao longo da mañá do luns dificultou a segunda xornada de procura de Ramiro Vega, un octoxenario que permanece desaparecido desde o domingo en San Sadurniño (A Coruña).

O Concello desta localidade rural da área de Ferrol asegurou que o "mal tempo" está a retardar o rastrexo para atopar ao home, veciño da parroquia de Igrexafeita. Os seus familiares non teñen noticias súas desde o mediodía do domingo, cando denunciaron este feito no posto da Garda Civil no municipio.

O consistorio sinalou que no dispositivo de procura "participan membros de Protección Civil, Garda Civil e ducias de veciños; espérase incorporar medios aéreos ao rastrexo". O despregamento permitiu peitear desde este domingo ao redor de oito lugares do concello. Entre eles, figuran o da Casatellada, onde reside o desaparecido, e o da Fervenza, onde sería visto por última vez.

O goberno local de San Sadurniño considerou que os puntos percorridos pertencen a unha "gran área caracterizada por fortes pendentes e bosque moi frondoso". Os efectivos despregados na zona visitaron "os montes e campos circundantes que frecuentaba habitualmente mantendo o seu gando e facendo outros labores". "Segundo os seus achegados, non padece ningunha demencia e goza de boa saúde", agregou.

Persoal de Garda Civil e de agrupacións de Protección Civil da comarca participa nas tarefas, na que colabora a asociación galega de cans de salvamento Casaga e veciños ata superar o medio centenar de persoas. 

Tamén se solicitaron medios aéreos, máis brigadas do Instituto Armado e de Protección Civil e un equipo cinológico chegado desde Ourense, e colocóuselle a unha cadela que pertence ao ancián un colar cun localizador para seguir os pasos do animal se conseguise dar co seu paradoiro. 

O mal tempo complica a procura dun octoxenario en San Sadurniño
comentarios