A formación En Marea cualificou este domingo de cínica "a actitude do presidente do Parlamento de Galicia, Miguel Ángel Santalices" de pedir unha vez máis ao apóstolo Santiago, durante unha cerimonia tradicional, "superar problemas como o da violencia de xénero”.
Nun comunicado, En Marea reprocha a Santalices, que exerceu de delegado rexio nun acto tradicional de ofrenda na catedral compostelá, así como á súa formación política, o PP, que "recorten sistematicamente os recursos persoais, materiais e económicos para previr e intervir contra a violencia machista e ao mesmo tempo pidan auxilio ao apóstolo".
Para En Marea, "ese xeito de actuar é un insulto á intelixencia de calquera" e cualifica de inconcibible que a Xunta "faga un exercicio de abandono de funcións solicitando a intercesión do apóstolo para 'solucionalo'”.
Segundo En Marea, o ano 2018 conclúe con o "incumprimento da lexislación en materia de igualdade e violencia machista" debido " falta de vontade política", e reclama un aumento do número de xulgados, de persoal e de recursos contra este ; tipo de agresións, ou de orzamentos para medidas de prevención no ámbito educativo.
