José Luís Martínez Almeida, alcalde de Madrid e portavoz nacional do PP, foi este venres un turista máis nas rúas do centro histórico compostelán. Con todo, e a pesar de levar o rostro semicubierto por unha máscara do Xacobeo, houbo transeúntes que o recoñeceron e pedíronlle sacarse fotos con el. Incluso departiu con algúns e chanceou sobre o caloroso tempo que facía nunha capital galega máis identificada no exterior polo seu clima chuvioso.
A visita do rexedor popular é colofón á Semana do Xacobeo en Madrid, que encheu a capital española de actos de promoción do Ano Santo durante os últimos días, nos que o propio Almeida chamou aos seus cidadáns, aos que identificou como 'madrigalegos', a visitar "a comunidade".
Entón tamén destacou "o ben que se come en Galicia", algo do que, segundo informan algunhas fontes, puido dar fe este venres, xa que ao parecer degustou algúns pratos tradicionais nun coñecido restaurante.
