Morren dúas persoas en Monforte tras dar positivo en covid-19

Con estes dous decesos elévanse a 2.628 as vítimas do covid en Galicia desde o inicio da pandemia
Hospital de Monforte. TOÑO PARGA (AEP)
photo_camera Hospital de Monforte. TOÑO PARGA (AEP)

Dúas persoas morreron nas últimas 48 horas en Monforte tras dar positivo en covid-19. Segundo informou a Consellería de Sanidade a última hora deste venres, os defuntos son dous homes, de 92 e 93 anos, que se atopaban ingresados no hospital monfortino.

Un dos óbitos produciuse este xoves día 23. O falecido procedía da residencia DomusVi de Monforte, un centro de maiores que rexistrou un importante brote, con 32 infectados o, cando a Xunta actualizou a información correspondente ao covid nos centros de maiores.

O outro nonaxenario pereceu este mesmo venres, tamén no hospital monfortino. Os dous, segundo matiza o Sergas, tiñan patoloxías previas.

Con estes dous decesos elévanse a 2.628 as vítimas do covid en Galicia desde o inicio da pandemia.