Un pescador que se atopaba pescando esta tarde nunha zona de cantiis de Ortigueira faleceu tras caer ao mar, segundo informou o servizo de urxencias 112.
Un particular alertou ao 112 esta tarde de que un home se caeu ao mar e atopábase nadando, polo que ao lugar foi desprazada a embarcación de Salvamento Marítimo Salvamar Shaula que recuperou o corpo "en estado inconsciente", segundo apunta o mesmo servizo de urxencias.
Posteriormente, o home foi evacuado ao porto de Agarimo para ser trasladado ao hospital, aínda que faleceu no traxecto a terra.
O servizo de urxencias deu aviso tamén a Gardacostas de Galicia que puxo en marcha un dispositivo no que participou o helicóptero Pesca II. Así como participaron no operativo de busca o Grupo de Urxencias Supramunicipal de Ortigueira e axentes da Garda Civil.