O Xulgado do Penal 3 de Vigo condenou a unha pena de multa de 630 euros a unha nai por calumniar a unha profesora do seu fillo nun grupo de Whatsapp de pais de alumnos de quinto curso de infantil dun centro educativo da cidade, situado na parroquia de Coruxo.
Na sentenza, á que tivo acceso Efe, a maxistrada considera "obxectivamente ofensivas e suficientemente graves" as acusacións da nai contra a profesora, a quen sinala por zarandear, burlarse e incluso comerse o bocadillo do seu fillo.
Ademais, no mesmo mensaxe, esta nai anima ao resto de membros do grupo a que controlen e pregunten aos seus fillos "por esta individua" para, se se repite este comportamento con máis alumnos, facer forza entre todos e plantarlle cara".
Unhas afirmacións que, sostén o xuíz, "menoscaban claramente" a honra e o crédito da profesora e "pon en dúbida o correcto desempeño do seu cargo", sen que se poidan ver amparadas polo dereito á crítica.
Ademais, aprecia un "temerario desprezo cara á verdade" por parte da nai condenada ao "non mostrar o mínimo interese" en comprobar se os feitos que denunciou a través da rede social eran certos.
É máis, foi a directora do centro quen a chamou ao día seguinte, tras ser alertada por outros membros do grupo de Whatsapp, para reunirse con ela e coa profesora en cuestión.
O xuíz tampouco aprecia arrepentimento por parte da nai, quen semanas despois enviou outra mensaxe no que se desculpaba por realizar un comentario que "non ten nada que ver con este grupo".
Incide en que no acto de conciliación previo á querela, non só non se desculpou senón que ademais presentou un escrito no dicía que en ningún momento ía recoñecer o carácter falsario e inxurioso da súa primeira mensaxe, "e moito menos pedir desculpas".
Multa de 630 euros á nai que calumniou unha profesora por Whatsapp
O auto considera "obxectivamente ofensivas e suficientemente graves" as acusacións da nai, que mostrou un "temerario desprezo cara á verdade"
