A Xunta de Galicia confirmou que un neto de Franco pretende vender o seu parte do Pazo de Meirás, situado en Sada (A Coruña) e antiga residencia de verán do ditador, a unha empresa da súa propiedade.
Así o transmitiron fontes da Consellería de Cultura, Educación e Ordenación Universitaria, a Europa Press, despois de que se coñeceu que Francisco Franco Martínez-Bordiú, pretende vender a parte que lle corresponde do Pazo á súa propia empresa, a sociedade Pristina S.L.
Segundo recolle a mesma publicación, o herdeiro de Franco presentaría o 7 de xullo no rexistro xeral da Xunta as escrituras corespondientes ás actas de notificación sobre os dereitos de tenteo e retracto da sépitma parte das tamén coñecidas como Torres de Meirás, así como das esculturas de Abraham e Isaac, atribuídas ao mestre Mateo.
A súa pretensión sería vender esa parte do Pazo á súa propia empresa para aumentar o seu capital social. Pero esta acción suporía que a Xunta dispoña dun prazo de tres meses para igualar a oferta e adquirir esa parte.
A XUNTA NON PREVÉ EXERCER DEREITO DE TENTEO E RETRACTO. Ante isto, fontes da Consellería de Cultura reiteraron que, como xa se expuxo en anteriores ocasións, a Xunta non ten intención de exercer dereito de tenteo e retracto sobre o Pazo de Meirás, porque suporía derivar diñeiro público á familia Franco, e tampouco para unha das partes alícuotas.
A acción prodúcese cando aínda segue aberto o debate ao redor da a recuperación do Pazo, que Franco recibiu no ano 1938 tras un peditorio popular impulsada pola Deputación, para patrimonio público.
O propio Parlamento galego aprobou en xullo por unanimidade unha proposición non de lei na que instaba o Goberno a iniciar un proceso civil para a devolución do pazo, que antes de pertencer a Franco foi a residencia da escritora Emilia Pardo Bazán.
