NGB Banco operará baixo a marca EVO Bank fose de Galicia, Asturias e León e xa comezou a rotular sucursais co novo nome en distintas zonas do territorio nacional, segundo desvelaron fontes sindicais.
Fontes da NGB declinaron hoxe confirmar a nova marca coa que se operará fóra de Galicia, Asturias e León e limitáronse a anunciar que será presentada nas próximas semanas.
Pola súa banda, José Ramón Fernández do Prego, representante de UXT, na entidade financeira galega, criticou unha medida que considera "precipitada" e que se adoptou "de costas" aos sindicatos. "Cremos que a nova marca provén da palabra evolución, aínda que non temos a certeza", apuntou o dirixente sindical.
