Unha muller de 61 anos foi atacada en Ourense por un can, de raza pastor alemán, cando trataba de protexer o seu, de menor tamaño, mentres paseaba pola cidade de Ourense.
Segundo informou a Policía Local, a muller camiñaba pola rúa San Paio, pouco antes das doce da noite, cando un pastor alemán, que estaba solto, atacou o seu can, que morreu. A dona foi atacada cando trataba de socorrelo.
Os axentes requiriron ao propietario do animal, un home de 51 anos, a documentación logo do ocorrido. O home foina buscar e regresou en coche, presentando síntomas de embriaguez, que logo se confirmaron cunha proba de alcoholemia positiva.
Efectivamente o dono triplicaba a taxa máxima permitida, polo que os axentes instruíron dilixencias xudiciais. O can foi posto en corentena.
