Unha colisión entre un turismo e un tractor saldouse con dúas persoas feridas no municipio coruñés de Vimianzo, á altura do punto quilométrico 72 da AC-552.
O 112 recibiu o aviso de varios particulares sobre as 14.30 horas, para solicitar asistencia médica urxente para dúas persoas que resultaron feridas de diversa consideración por un sinistro rexistrado á altura de Vilaseco.
Así, solicitouse a intervención dos Bombeiros de Cee, dos axentes da Garda Civil e da Policía Local, e o 061 informou da mobilización do helicóptero medicalizado con base en Santiago.
Finalmente, as dúas persoas afectadas foron trasladadas en ambulancia ata o Hospital Virxe da Xunqueira.
Unha hora despois, outra persoa foi trasladada ao Hospital Povisa logo de ser alcanzada por un turismo mentres circulaba pola Travesía de Vigo nun patinete eléctrico.
O accidente rexistrouse sobre as 15.30 horas e foi unha testemuña do suceso o que alertou ao 112 Galicia para pedir axuda. Desde alí informouse ao persoal sanitario de urxencia, aos Bombeiros de Vigo, á Policía Local e aos membros de Protección Civil.
