miércoles. 20.11.2019 |
El tiempo
miércoles. 20.11.2019
El tiempo

Quedan proclamadas as 46 candidaturas de 14 opcións políticas en Galicia

Votacións do pasado 28 de abril. GONZALO GARCÍA
Votacións do pasado 28 de abril. GONZALO GARCÍA
Nove delas presentan candidatura en todas as circunscricións galegas 

O Boletín Oficial do Estado (BOE) publica este martes as candidaturas para as eleccións do próximo 10 de novembro e ratifica as 46 —de 14 opcións políticas— que foran presentadas polas catro circunscricións provinciais galegas. 

Ao Senado concorrerán un total de 44 listas en Galicia, dúas menos que á Cámara baixa, tendo en conta que o Partido Comunista Obreiro Español (PCOE), que opta a escanos no Congreso pola Coruña e Lugo, non presenta listas á Cámara alta. 

Os axustes en relación ás listas publicadas o 9 de outubro son apenas reseñables, xa que a única alteración nos titulares dáse na candidatura de Escanos en Branco (EB) ao Congreso pola provincia de Pontevedra, onde quen figuraba de número 4 (Rosaura Begoña Pérez) aparece substituída por Dolores Varela na lista definitiva. 

Así as cousas, o 10 de novembro concorrerán tres listas menos que as que foron proclamadas finalmente nos anteriores comicios do 28 de abril (49) ao non presentarse formacións como En Marea ou Compromiso por Galicia —tras o seu acordo de concorrer co BNG—. 

A campaña electoral arrincará o venres 1 de novembro e terá, como novidade, unha duración de 8 días

Ademais, tampouco se presenta unha das candidaturas que nos pasados comicios de abril concorreu por Ourense, Vivir Ourense, mentres que irrompe na Coruña e Pontevedra o partido de Íñigo Errejón, Más País. 

En total, nove opcións políticas presentan candidatura en todas as circunscricións galegas. Trátase de PP, PSDEG, BNG, En Común-Unidas Podemos, Cidadáns, Vox, Pacma, Por un mundo + justo e o Partido Comunista dos Traballadores de Galiza (PCTG).

REPARTO POR PROVINCIAS. Por provincias, todas rexistran cambios en relación ao 28 de abril ao desaparecer as candidaturas da formación de Luís Villares e de Compromiso por Galicia das catro circunscricións galegas. Ademais, só xurdir Más País na Coruña e Pontevedra. 

Deste xeito, na Coruña, concorren ao Congreso e ao Senado as nove formacións comúns en todas as circunscricións, xunto con Recortes Cero e Más País. Pola súa banda, o Partido Comunista Obreiro Español (PCOE) si se presenta á Cámara baixa pola provincia pero non rexistra lista para a alta. 

Outra das novidades será a estrea da que fose unha das fundadoras de Podemos, Carolina Bescansa,

En Lugo, ademais destas nove que repiten en toda Galicia, concorrerán ao Congreso por Lugo Recortes Cero, Converxencia 21 e o PCOE, a única delas que non rexistra lista para o Senado. 
En Ourense, concorren á Cámara baixa tres listas menos que o pasado 28 de abril ao caer as de Vivir Ourense (VOU), En Marea e Compromiso por Galicia. Así, preséntanse tanto ao Congreso como ao Senado as nove comúns máis Recortes Cero. 

Para rematar, en Pontevedra, a maiores das nove candidaturas que concorren en toda Galicia (PP, PSDEG, BNG, En Común-Unidas Podemos, Ciudadanos, Vox, Pacma, Por un mundo + xusto e PCTG), concorren ás Cámaras baixa e alta Escanos en Blanco, Recortes Cero e Más País.

POUCOS CAMBIOS. En termos globais, os partidos introduciron poucos cambios nas listas e concorrerán ás eleccións do 10N con practicamente os mesmos candidatos que o pasado 28 de abril. 

Entre as modificacións significativas está a da alcaldesa de Marín, María Ramallo, número un do PP ao Congreso por Pontevedra, tendo en conta que Ana Pastor deixou vacante o posto ao concorrer como segunda de Pablo Casado por Madrid. Os populares tamén cambian á cabeza de lista ao Senado, situando como número un ao exconselleiro Javier Guerra no canto de Miguel Fidalgo. 

Por provincias, todas rexistran cambios en relación ao 28 de abril ao desaparecer as candidaturas da formación de Luís Villares

Outra das novidades será a estrea da que fose unha das fundadoras de Podemos, Carolina Bescansa, nun proceso electoral en Galicia, xa que encabeza a candidatura de Máis País á Cámara baixa pola Coruña.

CAMPAÑA DE 8 DÍAS. Coa publicación no BOE das candidaturas definitivas, dáse un novo paso no calendario electoral cara ao 10 de novembro

Agora, a campaña electoral arrincará o venres 1 de novembro e terá, como novidade, unha duración de 8 días debido á reforma legal de 2016 que reduce o tempo para que comece a campaña de 54 a 47 días e limita a súa duración a oito xornadas. 

Quedan proclamadas as 46 candidaturas de 14 opcións políticas en...
Comentarios