A Fiscalía de Ourense presentou unha querela contra o rexedor municipal, Gonzalo Pérez Jácome, por presunta malversación de caudais públicos, por un destino irregular de subvencións que percibiu o seu partido, Democracia Ourensá (D.O.).
Os feitos que investiga producíronse entre os anos 2015 e 2018, cando Jácome atopábase como edil da oposición na corporación municipal.
Fontes consultadas por Europa Press confirmaron a querela que, segundo publican diversos medios, partiría dunha denuncia anónima e que investiga a xestión de case 100.000 euros de Democracia Ourensá.
En concreto, toma como referencia dous cheques de 20.000 e 30.000 euros retirados a nome de Pérez Jácome, cheques que o rexedor terá que explicar se foron a parar a gastos da formación ou non. Ademais, no foco estarían pagos do grupo municipal supostamente destinados a sufragar a licenza do espazo de televisión de Auria TV, a televisión do alcalde de Ourense.
O primeiro partido en trasladar a súa valoración á querela foi o BNG. Os nacionalistas aseguran "celebrar a decisión de Fiscalía"
Con todo, o tempo das transaccións é anterior a que fose elixido como rexedor municipal. A denuncia foi admitida a trámite e acordáronse dilixencias pero non hai polo momento citacións.
"PREOCUPACIÓN CERO". A pesar de que o líder de Democracia Ourensá e rexedor municipal, Gonzalo Pérez Jácome, non quixo facer declaracións aos medios de comunicación, si expuxo a súa opinión sobre as dilixencias xudiciais a través das súas redes sociais.
Transmitiu ter "preocupación cero" ante unha denuncia que considera "sen base" e que "como as anteriores" prevé que "quedará en nada".
Preocupación cero ante otra denuncia más hacia mí, sin base, que como las anteriores quedará en nada.
— Gonzalo Pérez Jácome -Alcalde de Ourense- (@gonzalojacome) October 25, 2021
Confianza en que la justicia ponga OTRA VEZ, las cosas en su sitio.
Seguimos luchando por la ciudad, Ourense en Marcha🏃♂️
Y como dije en Septiembre-2020: DEIXA MOER
Coas "anteriores" fai referencia ás denuncias presentadas polo levantamento dos bolardos no casco antigo, que foi arquivada, e ao sobresemento das actuacións xudiciais polas doazóns do seu persoal ao partido.
"Confianza cega en que a xustiza poña outra vez as cousas no seu sitio. Seguimos loitando por transformar a cidade", resolveu Jácome.
RESPOSTA DA OPOSICIÓN. O primeiro partido en trasladar a súa valoración á querela foi o BNG. Os nacionalistas aseguran "celebrar a decisión de Fiscalía" e afirman que "desde hai anos advírtense estas prácticas das que o propio Jácome presumiu".
Lamentan que a situación dana "profundamente a imaxe da institución" á vez que "contribúe á desafección dos veciños polo seu concello" un concello que, apostilan, "está sumido no caos e na inacción".
"Non entramos a valorar un asunto do alcalde e do seu partido político tendo en conta que son feitos que nada teñen que ver coa acción do actual goberno municipal"
Ademais desde o BNG recordaron ao PP que en agosto do 2020 abandonaron o goberno local baseándose en denuncias presentadas por excompañeros do partido de Jácome e, agora, é a propia Fiscalía "quen acusa o rexedor de malversación de caudais públicos".
O PP APELA Á PRESUNCIÓN DE INOCENCIA. Pola súa banda, o socio de goberno, o PP, manifestou o seu "firme respecto aos procesos xudiciais e á presunción de inocencia" esixindo que se deixe traballar á xustiza.
"Non entramos a valorar un asunto do alcalde e do seu partido político tendo en conta que son feitos que nada teñen que ver coa acción do actual goberno municipal. Sucederon entre 2015 e 2018", expuxo a portavoz da formación, Flora Moure.