Calquera medio é válido para concienciar sobre a importancia de respectar as medidas anticovid. O importante é chegar á poboación. E con ese obxectivo, o director do IES Antonio Fraguas de Santiago lanzouse a rimar para explicarlle aos seus alumnos como deben organizarse para entrar e saír do instituto.
"Temos que evitar facer aglomeracións/non vos podedes amontoar nin festas nin botellóns/ e xa para o ano que vén esta historia vai cambiar/cargámonos este virus e todos xuntos a charlar". Estas son algunhas das rimas que converteron en viral a Carlos Encisa, que acompaña o seu vídeo cunha performance que inclúe lentes de sol e cambio de vestiario.