viernes. 30.07.2021 |
El tiempo
viernes. 30.07.2021
El tiempo

A reconstrución do accidente ferroviario do Porriño apunta a "unha distracción do maquinista"

Los peritos a su llegada a la estación de O Porriño para volver a reconstruir el accidente del tren Celta
Los peritos a su llegada a la estación de O Porriño para volver a reconstruir el accidente del tren Celta
O condutor confirmou recibir os avisos dos sinais pero non freou e o convoi descarrilou tras entrar a 118 por hora nunha zona limitada a 30

Peritos xudiciais e persoal da Comisión de Investigación de Accidentes Ferroviarios (Ciaf) participaron á primeira hora deste xoves na reconstrución do accidente do tren Celta no Porriño, que o pasado 9 de setembro causou catro mortos e medio centenar de feridos. Xusto cando se cumpren seis meses do descarrilamento, catro integrantes da comisión xudicial reconstruíron o percorrido do convoi exactamente "coas mesmas condicións de vía" e a "mesma secuencia de sinais" para ver "como respondía o tren e o maquinista" a balizas e sinais e para "rexistralo todo" en vídeo.

Tras realizar a reconstrución, o perito xudicial Juan Carlos Carballeira indicou que a "idea principal" que manexan polo momento é que "o que houbo foi unha distracción do maquinista" que provocou o exceso de velocidade. O tren descarrilou tras entrar a uns 118 quilómetros por hora nunha zona limitada a 30. "Non hai nada ata agora que desminta isto", explicou Carballeira, que admitiu que o maquinista —falecido— "sabía o que tiña que facer, que tiña que reducir a velocidade", pero "non coincide o que fixo co que entendeu".

Aínda que a comisión está "a estudar outras posibilidades" que non quixo desvelar, Carballeira apostou por unha "distracción" para explicar por que o maquinista "cumprimentou os sinais" —confirmou recibir os avisos— pero "non freou", tal e como recordou un membro da Ciaf que participou na proba. 

Os catro integrantes da comisión xudicial realizaron a reconstrución desde a cabina do maquinista, rexistrando todas as súas accións. Así mesmo, contaron con persoal no centro de control de Ourense para rexistrar tamén desde alí o comportamento do tren e do maquinista.

O percorrido, iniciado pouco antes das 9.00 horas, foi "idéntico" e en "condicións idénticas" ao realizado o día do sinistro, dixo Juan Carlos Carballeira, que descartou que a instalación con posterioridade na vía do sistema Asfa dixital poida "destorcer" os datos. Tras esta reconstrución, na que "non xurdiu nada" que lles chamou a atención", os integrantes da comisión desprazáronse ata os depósitos de Adif en Redondela para analizar o segundo e o terceiro vagón do tren sinistrado, dado que a locomotora quedou "tan danada" que non serve para facer ningunha comprobación.

Alí, os peritos realizarán "medicións" e "comprobacións" dos freos e a suspensión. Sobre esta cuestión, o representante da Ciaf indicou que "dificilmente" puideron influír estes dous sistemas, aínda que "hai que comprobalo todo".

Sobre a tardanza na realización destas probas, cando se cumpren seis meses do descarrilamento, atribuírona á necesidade de coordinarse coas autoridades portuguesas e á dificultade de localizar a todas as persoas que ían no tren para "falar con eles". A comisión conta con ter este mes "algo máis definitivo" sobre o sinistro.

A reconstrución do accidente ferroviario do Porriño apunta a "unha...
comentarios
ç