Os servizos de urxencias rescataron este martes a unha muller que sufriu unha caída cando se atopaba nunha zona de monte no concello coruñés de Brión.
De acordo coa información facilitada polos equipos de intervención ao 112 Galicia, tratábase dunha zona de difícil acceso, o que dificultaba a aproximación da ambulancia ata o lugar exacto.
Unha vez no punto, os membros do GES de Brión confirmaron que foi necesaria a colaboración entre os equipos de intervención para acceder á ferida e trasladala ata a zona onde a esperaba o vehículo de urxencias sanitarias. Posteriormente, a muller foi evacuada ao centro hospitalario de referencia.
Ás 13.15 horas, os xestores do 112 recibiron a chamada de alerta dun particular que informaba da situación. Durante a comunicación, relataba que unha muller caera no monte e necesitaba axuda. O 112 Galicia puxo a situación en coñecemento dos profesionais de Urxencias Sanitarias de Galicia-061, dos Bombeiros de Santa Corda, do GES de Brión e dos axentes da Policía Local.
