O alcalde de Ferrol, José Manuel Rey Varela, presidente do PP desa localidade coruñesa e candidato á súa reelección nos comicios de maio próximo anunciou este xoves que o presidente da Deputación, Diego Calvo Pouso, será o número dous da lista do seu partido nesa cidade.
Rey Varela, que fixo este anuncio nunha rede social, mantén, con todo, suspense sobre o resto de candidatos en Ferrol. Licenciado en Económicas, Calvo (Ferrol, 1975) xa formou parte da actual Corporación na carteira de Turismo aínda que foi relevado por Carmen Fraga na primavera de 2013.
Nunha nota de prensa, o PP de Ferrol encomia o traballo de Calvo á fronte da Deputación provincial e agradece a súa mediación para solucionar problemas que estaban "estancados", ademais de aludir á "boa sintonía persoal" con Rey Varela.
Rey Varela coloca a Diego Calvo como número dous na lista do PP en Ferrol
O alcalde de Ferrol anunciou que o presidente da Deputación coruñesa será o seu segundo
