As altas presións continuarán o sábado estacionarias ao norte da Península Ibérica, achegando aire cálido procedente do norte de África, aínda que a presenza de aire frío no Atlántico traerá inestabilidade pola tarde.
Así, a xornada comezará con ceos pouco nubrados ou despexados; co avance da tarde aumentarán as nubes de evolución que deixarán chuvascos de carácter tormentoso.
As temperaturas mínimas non terán cambios significativos e as máximas ascenderán lixeiramente.
Os ventos soprarán frouxos de dirección variable, excepto no norte de Lugo e A Coruña onde soprará nordeste moderado.
