Esta última fin de semana de maio, típica primaveral, arrincará con inestabilidade en Galicia, onde a metade norte da comunidade convivirá con temperaturas máis baixas que o sur, onde se espera tempo cálido. Para acabar o día, incluso poden caer algunhas choivas no noroeste que refrescarán aínda máis o ambiente. Galicia, pois, pártese en dous meteorolóxicamente durante a xornada de reflexión.
Pero as cousas cambiarán o domingo, durante a celebración das eleccións municipais e europeas (así como autonómicas en todas as comunidades excepto en Galicia, País Vasco, Cataluña, Comunidade Valenciana e Andalucía). Aínda que non de forma esaxerada, as temperaturas elevaranse polo que as votacións poderanse combinar con algo de sol.
SÁBADO. Este sábado comezará con nubes baixas na zona norte e tamén con bancos de néboa nalgunhas comarcas do interior. Co avance da xornada, os ceos quedarán pouco nubrados ou despexados en xeral.
As temperaturas mínimas non terán cambios significativos, mentres que as máximas ascenderán na metade sur e quedarán sen cambios no norte.
O vento soprará frouxo de compoñente norte, aumentando a súa intensidade pola tarde.
