A Mariña quedará liberada a partir da medianoite deste mércores ao xoves das restricións de mobilidade impostas polo brote de coronavirus activo na comarca, coa excepción de Burela.
Deste xeito, os veciños da chamada "zona intermedia" –Ribadeo, Xove, Cervo, Foz, Viveiro e Barreiros– poderán moverse con liberdade fóra dos seus territorios, que tamén poderán recibir viaxeiros do exterior.
Os casos activos de coronavirus na comarca da Mariña baixaron este mércores a 151, doce menos que o
Así o manifestou nunha conferencia de prensa o conselleiro de Sanidade, Jesús Vázquez Almuiña, quen especificou que nestes lugares se manteñen o resto de medidas anti-covid, como as do límite de reunión de dez persoas ou a limitación do aforamento e o horario dos locais hostaleiros.
BURELA. O único lugar illado será Burela, que "ata principios da próxima semana" terá restrinxida a mobilidade ao seu propio termo municipal. O concello concentra o 77% dos positivos da comarca –116, nove menos que na xornada anterior–.
O alcalde de Burela, Alfredo Llano, confía en que a próxima semana o seu concello tamén recupere a liberdade de mobilidade, como sucederá desde xoves nos outros seis costeiros e anunciou que solicitará unha "axuda especial" para facer fronte ás perdas económicas ocasionadas por este confinamento, "que non caso de Burela aínda prolongarase uns días máis", sinalou.
BROTE. En total, os casos activos do brote da Mariña sitúanse este mércores en 151, doce menos que o martes, ao decretarse trece altas e sumarse un novo positivo, o único das 80 probas realizadas nas últimas horas, segundo os datos achegados polo Sergas.
Almuiña insistiu en que o brote mariñán está "controlado" e, de acordo coas previsións do comité clínico, "a principios da semana que vén podería haber entre 30 e 40 casos activos".
A rebaixa das restricións á mobilidade serán publicadas oficialmente de xeito extraordinario para entrar en vigor a partir da medianoite deste mércores ao xoves.
Burela foi o único dos catorce municipios da Mariña no que se rexistraron casos positivos de coronavirus nos últimos tres
SEGUIMENTO. O conselleiro de Sanidade apuntou tamén que se fixeron un total de 3.675 probas de PCR de detección do virus na Mariña, onde se está facendo un seguimento a un total de 534 contactos, 50 menos que o día anterior.
O xerente do Sergas, o órgano de xestión do sistema público de saúde galego, Antonio Fernández-Campa, detallou que Burela foi o único dos catorce municipios da Mariña no que se rexistraron casos positivos de coronavirus nos últimos tres días.
Por iso, xustificou a necesidade de manter as restricións de movemento da poboación, a pesar de mellorar a situación.
Paleo engadiu que "na Fcam estamos a traballar para a posta en marcha de diversas iniciativas ao longo das vindeiras semanas, co obxectivo de que a xente acuda aos bares, aos restaurantes, ao comercio… igual que o facíamos antes, pero cumprindo coas medidas de seguridade vixentes".
