O Príncipe dos Xitanos xa está en liberdade. Sinaí Giménez, presunto xefe dos vendedores ambulantes da provincia de Pontevedra, logrou saír de prisión ao amparo dun auto ditado pola Audiencia, que lle outorgou a liberdade baixo unha fianza de 100.000 euros. O seu irmán Juan Paulo tamén abandonou o centro.
Giménez sae do cárcere a pesar da oposición do xuíz de Cangas e da Fiscalía, coa medida restritiva de afastamento dos mercadillos principais da provincia –inluidos os de Barro, Cangas, Vigo e Pontevedra– a un mínimo dun quilómetro de distancia.
Permanecía en prisión desde abril de 2016 en relación coa operación Vida, e ao seu irmán Juan Paulo, tamén no cárcere por esa causa, informaron fontes xudiciais.
A Audiencia ditou liberdade baixo fianza de 100.000 euros, o que non significa que se pagou esa cantidade e xa estean en liberdade.
Á parte da fianza, a Audiencia fixou para ambos, como medidas cautelares, a retirada do pasaporte e a prohibición de saír do país e de achegarse a menos dun quilómetro aos mercadillos do sur da provincia, ademais de comparecencias semanais no cuartel da Garda Civil máis próximo ao seu domicilio.
Esgrime, coincidindo co instrutor, que aínda que "subsisten os riscos que xustificaron" o seu ingreso en prisión provisional, actualmente "concorren outras circunstancias que modulan a súa intensidade", como son o transcurso do tempo desde que chegaron ao cárcere, a constitución polos xitanos "zamoranos" da súa propia asociación e que as testemuñas protexidas xa declaren.
Valoran tamén o "arraigamento de domicilio" de Sinaí e Juan Paulo, con familia e unha residencia estable na provincia de Pontevedra, e "a previsible" duración do proceso, ao haberse declarado causa complexa, coa consecuente distancia da celebración, no seu caso, do xuízo oral.
