O encargado do servizo de limpeza dun edificio na Coruña ingresará no cárcere de Teixeiro tras pasar a ser firme a condena de 8 anos de cárcere que lle impuxo a Audiencia Provincial, agora ratificada polo Tribunal Superior de Xustiza de Galicia (TSXG), por violar a unha veciña do inmoble onde traballaba, unha muller con discapacidade que quedou embarazada a raíz do suceso.
O alto tribunal galego refire na súa sentenza que o condenado se aproveitou da discapacidade intelectual da vítima, quen estaba incapacitada xudicialmente, para levala ao cuarto da limpeza e violala".
"A afectada non lle contou nada á súa nai ata oito semanas despois, cando se empezou a atopar mal e levouna ao hospital, onde lle comunicaron que estaba embarazada", relata o TSXG, que ademais da pena de cárcere impón ao acusado a prohibición de achegarse á súa vítima e de comunicarse con ela a través de calquera medio durante 16 anos.