Un desafortunado tropezón no cemiterio da Illa de Arousa engadiu unha carga extra de tensión e amargura á familia que este domingo enterraba a un ser querido, xa que o féretro cos restos mortais caeu polas empinadas escaleiras de acceso ao camposanto e desfíxose por completo ante as sorprendidas miradas dos asistentes. Segundo informa Faro de Vigo, o fatal incidente produciuse porque un dos empregados da funeraria que portaban o cadaleito tropezou e torceu un nocello.
O corpo do defunto permaneceu durante case unha hora no punto ata que a empresa conseguiu unha nova caixa para continuar co enterro, un tempo no que os achegados do falecido se mostraron claramente molestos cos traballadores da funeraria e indignados polo sucedido.
Tensión en Arousa tras caer e romper o cadaleito durante un enterro
Un dos empregados da funeraria que portaba o féretro tropezou, a caixa precipitouse escaleiras abaixo e a familia tivo que esperar case unha hora xunto aos restos do falecido ata que levaron outra