Toda persoa que leve un animal considerado potencialmente perigoso en Galicia, aínda que sexa de forma puntual, deberá ter unha licenza municipal.
Esta é unha das modificacións que inclúe a lei de acompañamento aos orzamentos galegos de 2019, que cambia a norma de benestar animal galega aprobada hai pouco máis dun ano.
Así, calquera persoa que conduza e controle, xa sexa "de forma habitual, ocasional ou puntual" a un animal deste tipo terá que ter licenza municipal de tenencia expedida ao seu nome.
Respecto diso, o Goberno galego explica que este cambio se realiza "tendo en conta o disposto na normativa estatal e en pronunciamientos xudiciais" sobre esta materia.
Nos últimos tempos producíronse ataques en Galicia de cans de razas consideradas perigosas. Un deles foi o ocorrido en 2017 no municipio de Covelo, en Pontevedra, onde dous cans -cruce de dogo de Bordeus con bóxer- atacaron gravemente a unha muller de 82 anos.
Con datos de 2016, o rexistro galego de identificación de animais de compañía (Regiac) contabilizaba un total de 14.125 cans potencialmente perigosos na comunidade. Ese ano houbo 428 infraccións por parte de donos que xeraron 147 sancións por valor de medio millón de euros.
