As tormentas deixaron máis de 4.500 raios na tarde e as primeiras horas da noite deste xoves en Galicia. Así o reflicten os datos publicados por Meteogalicia nun día marcado por raios e precipitacións que afectaron a practicamente toda a comunidade.
#Galicia
— 4gotas (@4gotas_com) September 17, 2020
Ao final rexistraronse 4500 raios sobre Galicia na xornada do xoves.
Con picos de intensidade de chuvia de 19 l/m2 en tan só 10 minutos (34 l/m2 en media hora) en Rus (Carballo) pic.twitter.com/Wd9vRHMvAZ
De feito, os raios son a causa máis probable de varios incendios rexistrados en Galicia, como o declarado na illa de Ons. As tormentas eléctricas fixéronse notar sobre todo entre as catro e as oito da tarde.
As previsións de Meteogalicia apuntan a que este venres persistirá a inestabilidade atmosférica, nun ceo no que se alternarán nubes e claros con posibilidade de chuvascos.