Un total de 68 positivos en coronavirus é o saldo dos test de antíxenos realizados este sábado nas unidades móbiles das sete cidades galegas, segundo informou na xornada deste domingo a Consellería de Sanidade.
En A Coruña, de 502 probas, 18 foron positivas: en Lugo, 6 de 389; en Ourense, 1 de 287; en Pontevedra, 14 de 494; en Vigo, 16 de 350 e en Ferrol, 4 de 181, mentres que en Santiago, 9 de 1.248.
Na área compostelá, os test fixéronse en dous dispositivos, precisa o departamento autonómico: na unidade da Praza Roxa da cidade e no Hospital do Barbanza. Deles, 521 foron na unidade da Praza Roxa, con 7 positivos.
