O "corasonsito murciano" de Mercedes emocionouse cun dos pacientes que atendeu este luns, un ancián que lle dixo que "con doutoras galegas tan boas e simpáticas é máis fácil o vir aquí". Para esta estudante de Medicina foi "un agasallo", que compartiu a través dun tuit que se fixo viral e polo que non deixou de recibir mostras de agradecemento como as do seu paciente polo mesmo motivo: porque esta futura doutora, que é murciana, intenta atender nas consultas en galego.
Hoy en consulta he intentado hablar en gallego a los pacientes y un anciano me ha dicho "con doutoras galegas tan boas e simpáticas é máis fácil o vir aquí" y mi corasonsito murciano estaba tal que así pic.twitter.com/OwC24rt8g8
— Merce (@mercealburq) November 18, 2019
O tuit suma miles de likes e retuits e unha longuísima lista de comentarios, nos que o que máis se repite son as mostras de agradecemento polo esforzo que fai Mercedes para falar na súa lingua os pacientes que atende nas súas prácticas. Ela faino convencida de que, "xa sexa Medicina ou calquera outro traballo, o esencial é a empatía e o respecto".
