Un coche con dúas persoas a bordo incrustouse contra un bar na parroquia de Saiar, no municipio de Caldas de Reis.
O accidente produciuse na mañá deste 1 de xaneiro, segundo informaron na Radio Galega fontes dos servizos de urxencia do Salnés.
Ademais de atender aos dous ocupantes do coche, que sofren lesións de escasa gravidade, o persoal de urxencias tivo que asegurar a zona, apontoando o edificio en que se atopa o establecemento de hostalería. O local, o bar Fermín, estaba pechado cando o coche 'entrou' no seu interior.
é o segundo accidente de importancia que se rexistra no municipio pontevedrés nun prazo inferior a vinte e catro horas, logo da colisión múltiple ocorrida na tarde do día 31.