Un desprendemento de terra nas vías provocou este xoves a detención dun tren Alvia, que realizaba o percorrido Galicia a Madrid, por espazo de 22 minutos, á altura do municipio ourensán de Laza.
Segundo fontes do 112, o incidente produciuse esta mañá ás 9:30 horas, no punto quilométrico 192, no tramo que transcorre entre Alberguería e a localidade de Laza.
A causa do suceso, os técnicos e persoal do centro de seguridade de Renfe procederon ao corte o tráfico ferroviario mentres retiraban a terra que obstaculizaba a vía e posteriormente adoptaron as correspondentes medidas de prevención para evitar novos derrubes.
Fontes de Renfe indicaron a Efe que se trata do Alvia que sae pola mañá de Galicia con destino a Madrid.
Ademais do persoal ferroviario, os servizos de Urxencias informaron o suceso á Garda Civil de Ourense e ao Grupo de Urxencias Supramunicipal Grumir de Laza.
