Un incendio forestal declarado este pasado domingo, con dez focos, na zona de Carballeda de Valdeorras, en Ourense, calcinou polo momento máis de 15 hectáreas, a maior parte en zona de Rede Natura 2000, segundo confirmaron a Efe servizos de extinción e a Consellería de Medio Rural.
O primeiro incendio produciuse onte ás 10:55 horas, na parroquia de Casaio, Carballeda e horas despois rexistráronse novos focos na zona da serra de Pena Trevinca, o que suscitou a alarma dos veciños pois eran lugares de difícil acceso, feito que imposibilitou nalgúns casos a chegada de medios terrestres.
Nos labores de extinción, participan actualmente dous técnicos, 10 axentes forestais, 15 brigadas e tres helicópteros.
Segundo detallou a alcaldesa de Carballeda de Valdeorras, María del Carmen González, trátase en todos os casos de "focos pequenos" que afectan principalmente "a zona de matogueira" e "monte baixo", catalogado como Rede Natura polo seu alto valor ecolóxico.
Fontes de Medio Rural precisaron que o lume, actualmente controlado, non entraría ao Teixedal de Casaio, un dos maiores bosques de tejos de Europa.
Baixo Control
Un incedio con dez focos afecta a máis de quince hectáreas da Rede Natura 2000 en Carballeda
