Un peón faleceu este luns no municipio ourensán de Melón ao ser atropelado, segundo confirmaron a AGN fontes da Garda Civil de Tráfico da provincia e do Servizo de Emerxencias 112.
O suceso produciuse minutos antes das sete deste luns, á altura do quilómetro 608,2 da N-550, ao seu paso pola zona da Costa do Cuco, no termo municipal de Melón. Nese punto, un turismo arroiou, por causas que aínda se descoñecen, a un home de 57 anos --veciño do municipio pontevedrés da Cañiza--, causándolle a morte.
O corpo do falecido foi trasladado ao tanatorio do Complexo Hospitalario de Ourense. Pola súa banda, o condutor do vehículo non sufriu ningún dano físico.
Foi un particular o que alertou ao 112 do suceso e, á súa vez, o servizo de urxencias mobilizou a efectivos do 061 e da Garda Civil de Tráfico.
