Unha moza de 20 anos, T.E.F. que resultou ferida na madrugada deste sábado nun accidente en Santiago de Compostela faleceu no Hospital Clínico da cidade a consecuencia das lesións sufridas.
O accidente produciuse na SC-20, o periférico que une a Avenida de Lugo coa estrada da Coruña. Como consecuencia do sinistro resultou tamén ferido outro mozo de 24 anos, M.S.P., e ambos foron trasladados ao Clínico, pero a moza de 20 anos faleceu no centro sanitario.
Segundo informaron fontes do servizo de Urxencias Sanitarias 061-Galicia, o accidente ocorreu ás 5.18 horas desta madrugada. Ata o lugar desprazáronse, entre outros, unha ambulancia asistencial e outra medicalizada deste servizo, así como Policía Local de Santiago.