Universitarios da UVigo crean un aparello para que os discapacitados falen

O seguinte paso será o desenvolvemento de frases simples por medio de pictogramas
Campus universitario de Vigo. TURISMO RÍAS BAIXAS
photo_camera Campus universitario de Vigo. TURISMO RÍAS BAIXAS

Leves movementos de man para indicar si ou non, coa vista posta en poder desenvolver frases simples a través de pictogramas. Ese é o mecanismo que segue un novo sistema desenvolvido por tres estudantes de Enxeñaría Industrial da Universidade de Vigo (UVigo) para dar voz a persoas con discapacidade.

Baseándose nun mecanismo que implementou e axustou á súa cadeira de rodas o científico Stephen Hawking, estes universitarios galegos deseñaron unha especie de bóla que vai unida a unha man da persoa e que se conecta cun cable a unha tableta na que, a través dunha app que eles mesmos desenvolveron, o coidador expón preguntas ou cuestións simples para que o discapacitado, mediante un lixeiro movemento, afirme ou negue.

Este aparello é o seu proxecto de fin de grao e explicaron ás cámaras da TVG que a idea xurdiu para axudar ao curmán dun deles, con paraplexia. "Queremos introducir pictogramas e entón Carlos poderá dicir quero durmir, teño fame, quero saír de festa ou teño sede", explican.

Comentarios