A Universidade de Santiago situouse na cuarta posición da clasificación elaborada por investigadores da súa homóloga en Granada sobre a produtividade e produción das universidades públicas do Estado.
Así mesmo, a USC foi a segunda en tramos de investigación a nivel estatal e cuarta en axudas de formación de persoal investigador. Doutra banda, foi a quinta en proxecto de I+D e bolsas de formación de profesorado universitario, entre outras.
A institución ocupa, ademais, o noveno posto da clasificación global relativa aos datos específicos de produción.
Outro ranking, o Best Global Universities, situou á USC entre as dez mellores españolas e no posto 203 de entre máis de 400 institucións europeas.
