Sábado. 22.09.2018 |
El tiempo
Sábado. 22.09.2018
El tiempo

Vázquez Abad confirma que presentará a súa candidatura para revalidar a alcaldía de Ourense 

O alcalde de Ourense, Jesús Vázquez Abad. ARQUIVO
O alcalde de Ourense, Jesús Vázquez Abad. ARQUIVO

O actual alcalde de Ourense sostén nun vídeo colgado nas redes sociais que volverá presentarse como candidato ás municipais do 2019

O actual alcalde da cidade de Ourense, co Partido Popular, Jesús Vázquez Abad, confirmou nun vídeo colgado nas súas redes sociais a súa decisión de presentarse como candidato nas eleccións municipais de 2019. 

Asegura que "adora" a cidade, vívea "intensamente e que é "un namorado" de Ourense

"Facer máis Ourense. Porque quero e porque vivo a miña cidade e quero defender os intereses da mesma ante todas as administracións e transformar esta cidade. Hai proxecto, hai equipo, hai ganas e hai ilusión", proclamou Jesús Vázquez na gravación que colgou nos seus perfís persoais nas redes sociais de Twitter, Facebook e Instragram, e na que confirma a súa candidatura, xa anunciada no pleno municipal do pasado venres. 

Na gravación, editada con música de fondo, Vázquez Abad fala á cámara, sentado, nun parque. Por seguir "traballando esa transformación para que todos e cada un dos nosos veciños mostren con orgullo a súa satisfacción e podamos resolver os seus problemas.

Quero e amo a Ourense. Forza Ourense", conclúe o vídeo no que anuncia a súa candidatura. 

A publicación, realizada a media tarde deste domingo, complétase co texto no que asegura que "adora" a cidade, vívea "intensamente e que é "un namorado" de Ourense. "E téñovos a vós, que día a día me animades a seguir loitando polo que é noso: #Ourense!", conclúe en Facebook. 

Vázquez Abad confirma que presentará a súa candidatura para...
Comentarios