O director xeral de Asistencia Sanitaria, Jorge Aboal, confirmou este xoves un aumento no consumo de ansiolíticos e antidepresivos en Galicia desde o inicio da crise, no ano 2008, á vez que se produciu un descenso no consumo de drogas como o cannabis, a cocaína, a heroína, a éxtase e os alucinóxenos.
Preguntado respecto diso en comisión parlamentaria pola deputada do Grupo Mixto Consuelo Martínez, Aboal indicou que o número de envases de ansiolíticos vendidos en Galicia en 2008 era de 3,6 millóns, mentres que, en 2015, a cifra elevouse ata superar os 4,22 millóns. Máis forte que este aumento do algo máis dun 15% foi, segundo os seus datos, a subida na compra de antidepresivos, de 2,3 millóns de caixas en 2008 a 3,12 o pasado ano. "Máis dun 30 por cento", sinalou o alto cargo do Servizo Galego de Saúde (Sergas).
En canto ao abuso de alcol, concretou que un 9,5% dos galegos incorrerá neste problema, segundo os datos referidos ao marco temporal de "a vida"; mentres que a taxa baixa ao 1,6% se se toma como referencia só un ano.
Consuelo Martínez relacionou estas cifras coas dificultades que atravesan moitos galegos e co feito de que a saúde mental está "abandonada" en Galicia. O número de psiquiatras na rede pública, segundo aseverou Aboal, está en niveis similares aos do resto da UE, mentres o de psicólogos atópase por encima.
Aumenta o consumo de antidepresivos e ansiolíticos en Galicia desde o inicio da crise
Descendeu, con todo, o consumo de drogas como o cannabis, a cocaína, a heroína, a éxtase e os alucinógenos
