A Xunta exporá na reunión desta tarde do Consello Interterritorial de Saúde que o certificado de vacinación sirva como unha das excepcións para poder entrar en Galicia cando a comunidade se atope, como actualmente, en peche perimetral pola covid-19.
Así o explicou o conselleiro de Sanidade, Julio García Comesaña, na rolda de prensa tras a reunión do comité clínico, na que insistiu en que este certificado, que a Xunta facilita desde o xoves pasado, debe "empezar a facilitar a mobilidade".
Comesaña asegurou que a Xunta xa expuxo esta reflexión a semana pasada na reunión do Ministerio de Sanidade coas autonomías e volverá insistir esta mesma tarde.
"Estámonos exposto que, no caso de peche perimetral de Galicia para o que agora hai varias excepcións, como pode ser ter un DNI galego para poder entrar, pois que ter un certificado de vacinación poida ser un motivo tamén de poder entrar, unha excepción nese sentido", puntualizou.