O vicepresidente da Xunta, Alfonso Rueda, destacou este sábado, durante a inauguración da VI Festa do Viño Espumoso da Denominación de Orixe Rías Baixas, que a viticultura é un sector estratéxico na economía galega pola súa capacidade para xerar emprego e como elemento de dinamización do turismo relacionado co mundo do viño.
O Goberno galego traballa nunha estratexia de dinamización económica, territorial e turística dae ls comarcas vitivinícolas de Galicia para mellorar o posicionamento dos caldos galegos, reforzar a súa imaxe de marca e promocionar os produtos turísticos relacionados co sector. A Administración autonómica investirá ao redor de 750.000 euros nesta estratexia conxunta na que participan as consellerías de Cultura e Turismo; Economía, Emprego e Industria, e Medio Rural; coa colaboración das universidades galegas, a Fundación Juana de Veiga e representantes do sector.
O vicepresidente da Xunta destacou que o futuro do sector do viño en Galicia ten que basearse na profesionalización e na xeración de sinergías con outros ámbitos como o turismo e a gastronomía para consolidar un negocio que se caracterice pola calidade e a diferenciación.