O actor Antonio Resines saíu este venres da Uci do hospital Gregorio Marañón de Madrid onde ingresou o pasado 23 de decembro por complicacións derivadas da covid-19, segundo anunciou o hospital nun parte médico.
O actor, de 67 anos, ingresou por unha "insuficiencia respiratoria aguda secundaria a pneumonía covid bilateral", indica o parte que engade que este venres foi "dado de alta de Uci e trasladado a planta de hospitalización".
Cando foi ingresado Resines acababa de empezar a rodaxe da terceira entrega de Padre no hay más que uno, de Santiago Segura e tamén participaba na rodaxe da serie de Movistar+ Sentimos las molestias, xunto a Miguel Rellán e Fiorella Faltoyano.
Precisamente foi Faltoyano a primeira en avanzar a noticia da súa saída da Uci a través de Twitter. "Gañou a batalla, estou moi contenta e quería compartilo convosco", asegurou a actriz.
Esta foto es para contaros que Resines sale mañana de la UCI donde ha permanecido mas de un mes luchando contra el Covid...Y ha ganado la batalla. Estoy muy contenta y queria compartirlo con vosotros pic.twitter.com/wyjIyOOjcJ
— Fiorella Faltoyano (@FiofalFaltoyano) January 27, 2022