A parella formada por Belén Esteban e Miguel Marcos deuse o ‘si, quero' este sábado nunha exclusiva parcela de Alcalá de Henares. A noiva levaba un deseño de corte tradicional e sinxelo, branco e sen ningún tipo de pedrería. Arroupados por familiares e amigos, gozaron dunha cerimonia onde o romanticismo e a emoción foron os verdadeiros protagonistas e que comezou ás 19.30 horas.
Nerviosa, Belén chegaba ás 14.00 horas á finca onde casaría horas despois. Moi amable, a colaboradora de programas do corazón decidía atender á prensa e recibía un agasallo de Socialité, o programa que presenta a súa amiga María Patiño, unha medalla de San Xudas Tadeo, a mesma que lle regalou a Jorge Javier Vázquez cando estaba a se recuperar do ictus que sufriu.
Mentres Belén Esteban se preparaba, os seus invitados ían entrando e saíndo do parador de Alcalá, outro dos epicentros deste enlace. Mila Ximénez, Belén Rodríguez ou Carlota Corredera foron algunha das invitadas que se vestiron neste hotel.
A todos os looks das invitadas —entre os que destacan o Ágatha Ruiz de la Prada de Mila, o Hannibal Laguna de Carlota Corredera ou o Rocío Osorno de Anabel Pantoja— sumábase o vestido máis esperado do día, o que luciu Belén Esteban.
