O actor e cantante Jeremy Jackson, coñecido polo seu papel de Cody, o fillo de Mitch Buchannon (David Hasselhoff) en Os vixiantes da praia, foi arrestado a pasada fin de semana por apuñalar a un home en Los Ángeles e fuxir do lugar.
Segundo TMZ, o actor, de 34 anos, foi acusado de participar nunha pelexa que concluíu cun home acoitelado na parte superior do torso.
A vítima, que foi trasladada a un hospital, díxolle á policía que Jeremy Jackson fora o agresor. Horas máis tarde, os axentes procederon á súa detención.
Posteriormente, o actor foi posto en liberdade e declarou que a súa reacción foi en defensa propia, xa que a vítima presuntamente intentara atracalo pistola en man.
Cody, de 'Os vixiantes da praia', arrestado por apuñalar un home
O actor Jeremy Jackson, de 34 anos, asegura que foi en defensa propia, para evitar ser atracado