O FesTVal de Televisión de Vitoria premiará o próximo 10 de setembro a Iñaki Gabilondo, María Casado e Manel Fuentes, que viaxarán á capital alavesa para recoller o galardón Joan Ramón Mainat, segundo puido saber Efe.
A entrega dos premios terá lugar durante a gala de clausura do FesTVal, que novamente estará dirixida e presentada por Luis Larrodera.
O galardón José Ramón Mainat foi creado polos organizadores do FesTVal no ano 2009 en memoria do xornalista catalán, director creativo e produtor de Gestmusic Endemol.
O artista Koko Rico é o creador da escultura que o representa e que o ano pasado recolleron Jordi Évole, María Escario e Yusan Acha.
Dos premiados deste ano, o máis veterano na profesión xornalística é Iñaki Gabilondo, quen na súa última etapa como comunicador presenta o videoblog La voz de Iñaki, no que opina sobre a actualidade, e tamén está á fronte do programa mensual Iñaki na cadea de pago Canal +.
Manel Fuentes, xornalista e humorista, leva 21 anos vinculado á radio e á televisión e grazas a colaboracións con programas como Crónicas Marcianas, converteuse nun rostro moi coñecido da televisión en España.
A terceira galardoada deste ano é María Casado, a xornalista máis nova dos tres, vinculada a Televisión Española, onde nos últimos anos presentou o programa Los Desayunos de TVE.
O FesTVal de Vitoria premia a Iñaki Gabilondo, María Casado e Manel Fuentes
A entrega dos premios celébrase durante a xornada de clausura dos galardóns
