Casado será a nova Mariló en 'La mañana de La 1'

A xornalista catalá asume o rol de Montero, a quen substituíra a lucense Silvia Jato no verán despois de que en xuño se despedira do programa
La presentadora María Casado
photo_camera La presentadora María Casado

A xornalista María Casado substituirá a Mariló Montero á fronte do programa La Mañana de La 1 a partir do próximo 5 de setembro, segundo confirmou a presentadora catalá na súa conta oficial de Twitter. "O vindeiro luns 5 de setembro empezo unha nova aventura televisiva en @LaMananaTVE Espérovos", escribiu Casado nunha mensaxe acompañada do vídeo promocional do programa.

Casado toma a substitución da lucense Silvia Jato –que se fixo cargo do espazo durante os meses de verán– despois de que Mariló Montero anunciase a finais de xuño a súa despedida, tras sete anos como presentadora e subdirectora da Mañá da 1.

Casado (Barcelona, 1978) deixa así o seu posto á fronte de Los desayunos de TVE e logo de ser tamén presentadora do Telexornal Fin de Semana, copresentadora de Informe Semanal, e presentadora de espazos como El debate de La 1 ou 59 segundos.

Licenciada en Xornalismo pola Universidade Autónoma de Barcelona, comezou a súa carreira profesional en 1999 nos Servizos Informativos de Ràdio 4 de RNE.

Tras o seu paso por Catalunya Ràdio, volveu a Radio Nacional en 2003, como subdirectora do magacín Amb molt de gust e en 2005 incorporouse aos Servizos Informativos de TVE en Cataluña como redactora.

Comentarios