O actor estadounidense Robert de Niro abriu un restaurante da cadea xaponesa Nobu nun dos centros comerciais e de exposicións máis exclusivos da capital rusa.
De Niro , que ten negocios no mundo cinematográfico, inmobiliario e gastronómico, foi a estrela do acto celebrado onte á noite no Crocus City Hall, onde está situado o novo restaurante, do que é copropietario. Compareceu ante a prensa acompañado polo cociñeiro xaponés máis famoso do mundo, Nobuyuki Matusuhisa, co que fixo as honras ao estilo nipón ao romper cun martelo a tapa dunha gran cuba de madeira, segundo informa este martes a prensa local.
O actor dedicou algúns minutos a debartir coa prensa rusa, que insistiu en preguntarlle se non se exporía solicitar a cidadanía rusa como ocorreu co actor francés Gerard Depardieu ou o boxeador estadounidense, Roy Jones Jr. "Pode ser (...) Como vostede pode imaxinar é algo complicado. Xa veremos", dixo.
Este é o segundo restaurante na capital rusa da cadea Nobu, que está especializada en sushi, xa que o primeiro foi inaugurado tamén por De Niro en 2009.
O actor italo-americano, de 72 anos, visitou por vez primeira ese país en 1987, en plena Perestroika soviética, cando encabezou o xurado do Festival Internacional de Cine de Moscova.
Robert de Niro abre un restaurante de comida xaponesa en Moscova
O actor inaguró o local rompendo cun martelo a tapa dunha gran cuba de madeira como manda a tradición nipoa