Unha clara mensaxe contra o clasismo. Isto é o que quixo transmitir a través das súas redes sociais Estela, unha española que traballa como limpadora nunha universidade privada de Edimburgo, lugar no que, segundo manifestou, está farta de recibir faltas de respecto e un trato humillante por parte de alumnos e profesores.
Para manifestar o seu descontento e denunciar a situación, escribiu un fío na súa conta de Twitter no que empeza afirmando que por pagar un servizo "non significa que podades tratar como a merda á persoa que vos brinda ese servizo". Tamén engadiu que non por pagar a universidade un pode facer o que lle dea a gana e, en todo caso, nada xustifica non respectar "a quen limpa e coida esa contorna para ti".
Qué paguéis por un servicio no significa que podáis tratar como la mierda a la persona que os brinda ese servicio. Podréis suponer por qué lo digo: trabajo en el servicio de limpieza de una universidad con gente que paga por un máster lo que yo no podría pagar en mi vida.
— (E)stela, -ae 𓃣 (@maatkarestela) October 2, 2021
Tras as súas declaracións, recibiu múltiples mensaxes de apoio e de xente contando historias similares, algo que a moza agradeceu.
Estela, que é graduada en Historia da arte pola UAM, ten un máster en Mediterráneo Antigo e está a ampliar os seus estudos de Próximo Oriente e Antigo Exipto na UOC, engadiu que ela tamén foi alumna en varios centros e que en ningunha desas ocasións humillou a ninguén polo seu labor. "A educación é a base de todo", conclúe.
He sido alumna en una universidad, he dado clases en un centro cultural y ahora (aunque de manera online) vuelvo a ser alumna. De ninguna de las maneras he humillado jamás a nadie por su labor en ninguna de las instituciones en las que he estado. La educación es la base de todo.
— (E)stela, -ae 𓃣 (@maatkarestela) October 3, 2021